Privacy Policy

Hum kya store karte hai

Khelo par koi login nahi hai, isliye hum aapka naam, email ya phone number nahi rakhte. Sirf ek cheez aapke apne browser me save hoti hai:

• khelo:recent — aapne kaunse games khele, taaki "Dobara khelo" row bhar sake.
• khelo:theme — dark ya light theme ki pasand.

Ye dono aapke device par rehte hai (localStorage). Hamare server par nahi aate. Browser ka data clear karte hi ye mit jaate hai.

Games aur third parties

Games alag companies ke servers se iframe me chalte hai — mainly GamePix (play.gamepix.com) aur GameMonetize (html5.gamemonetize.co). Jab aap koi game kholte hai, wo network aapka IP address, browser type aur game me dekhe gaye ads jaisi jaankari khud collect kar sakta hai, apni policy ke hisaab se. Hum unke andar ka data nahi dekh sakte aur na hi control kar sakte hai.

Ads

Games ke andar ke ads game network dikhata hai. Portal par agar display ads chalu hote hai to wo Google AdSense se aate hai, jo cookies ka istemaal kar sakta hai — aap use Google Ad Settings me band kar sakte hai.

Analytics

Kitne log aaye aur kaunsa game popular hai — sirf itna dekhne ke liye aggregate analytics use hota hai. Isme aapko personally pehchanne wala data nahi hota.

Bacche

Khelo har umar ke liye hai aur hum jaan-boojh kar bachchon se koi personal jaankari collect nahi karte. Kyunki koi account hi nahi hai, dene ke liye kuch hota hi nahi.

Sampark

Privacy se judi koi baat ho: vishwakarmaearthworks@gmail.com. Made by Angad Jangir · IIT Madras.